नेकपा एकीकृत समाजवादीया रामेछाप जिल्ला अध्यक्ष रमेश बस्नेत पुष्पलाल स्मृति दिवसया लसताय् जूगु ज्याझ्वलय् नेकपा एमालेय् हे लिहावःगु दु।

रामेछापया मन्थलीइ पुष्पलाल स्मृति दिवसया लसताय् जूगु उगु ज्याझ्वलय् महासचिव शंकर पोखरेलं बस्नेतयात पाटीइ लसकुस याःगु खः।

मन्थली नगरपालिकाया पूर्व मेयर तक जूयादीम्ह बस्नेत वंगु निर्वाचनय् प्रदेश सभा सदस्यया उम्मेदवार जूयादीम्ह खः।

बस्नेतनाप लिखु तामाकोशी गाउँपालिका वडा नम्बर ७ य् नेकपा एसपाखे निर्वाचित वडा सदस्य सरोज आले मगर व राप्रपाया नेता केशव दाहाल न एमाले दुहावःगु खः।

Categorized in राजनीति