कोशी प्रदेशयया मुख्यमन्त्री उद्धव थापायात नियुक्ति प्रक्रियाविरुद्ध जूया च्वंगु मुद्दाया सुनावइ यायेगु लागि सर्वोच्चं पूर्ण इजलासय् पेसी तोके याःगु दु।

सभामुख बाबुराम गौतमया मतं उद्धव थापा मुख्यमन्त्री नियुक्त यायेवं पूर्व मुख्यमन्त्री हिक्मत कुमार कार्की न उगु प्रक्रियाविरुद्ध सर्वोच्चय् मुद्दा दायर याःगु खः। उगु मुद्दाया सुनुवाइ यायेगु लागि न्यायधीशपि ईश्वरप्रसाद खतिवडा, डा. आनन्दमोहन भट्टराई व तिलप्रसाद श्रेष्ठया पूर्ण इजलास तोके याःगु दु ।

सोमवाः न्यायाधीशपि सुष्मलता माथेमा व तिलप्रसाद श्रेष्ठया इजलासय् जटिल कानुनी न्ह्यसः दुथ्यःगु धासे उगु विवाद निरुपणया लागि पूर्ण इजलासय् छ्वयेगु आदेश बिःगु खः।

सर्वोच्च अदालतया नियमावली याःगु नियम २३ (ग) कथं संयुक्त इजलासय् छु न मुद्दाय् थाकूगु न्ह्यसः वलकि कानुनी न्ह्यसः निरुपण पूर्ण इजलासपाखे यायेगु बालाइ धका छ्वये फइ।

Categorized in राष्ट्रिय