लगातार न्यान्हु लिपा कुहावया च्वंगु शेयर बजाः थौं सोमवाः सामान्य थहावःगु दु। शेयर बजाः परिसूचक नेप्से थौं ५ दशमलव ८४ अङ्कं थहावना २ हजार १ सय ६ दशमलव १८ विन्दुइ थ्यःगु दु।

थौं जलविद्युत्, माइक्रोफाइनान्स व म्युचल फन्डबाहेक दक्को समूहया शेयर थहावःगु दु। नेप्से थहावःसा थौं कारोबार रकम धाःसा २ अर्ब रुपैयाँ स्वया क्वय् कुहावःगु दु।

२ सय ६२ गु कम्पनीया ५५ लाख ३१ हजार कित्ता शेयर १ अर्ब ८५ करोड रुपैयाँया कारोबार जूगु दु। दकलय् अप्पो शिवम् सिमेन्टया ८ करोड ८ लाख रुपैयाँया शेयर कारोवार जूगु दु।

सनराइज ब्लुचिप फन्डया शेयर ७ प्रतिशत स्वया अप्पो थहावःगु दु। समग्र बजाः थहावःसा थौं विन नेपाल लघुवित्त व ग्लोबल आईएमई बैंकया शेयर ४ प्रतिशत स्वया अप्पो कुहावःगु दु।

Categorized in राष्ट्रिय