अप्पर लोहोरे खोला हाइड्रोपावर कम्पनी लिमिटेडं थौंनिसे सर्वसाधारणया लागि प्राथमिक सेयर (आईपीओ) निष्कासन याइगु जुगु दु।

कम्पनीं थ्व स्वया न्ह्यः आयोजना प्रभावित स्थानीय व वैदेशिक रोजगारीइ च्वनाच्वपि नेपाःमिपिन्त आईपीओ निष्कासन याना इने धुकुगु दु।

कम्पनीं ३९ हजार ७६५ कित्ता कर्मचारीया लागि व ९९ हजार ४१२ कित्ता आईपीओ सामूहिक लगानी कोषया लागि छुटे याःगु खः। स्थानीयपिनिगु ल्यः दुगु सेयरतक थप याना सर्वसाधारणपिन्थ छगु सेयरया १०० भाः तुगु १९ लाख ५३ हजार २७९ कित्ता आईपीओ सार्वजनिक निष्कासन यायेत्यःगु खः।

थुगु आईपीओ न्यायेगु लागि न्यूनतम १० कित्तानिसे अप्पो २५ हजार कित्तातक आवेदन बिइ फइ । आईपीओ मिइगु निति साउन २२ गतेतक क्वछिना तःगु दु। उगु इलय् माःगु कथं दुहामवसां साउन ३२ गते तक ई क्वछिना तःगु दु।

Categorized in राष्ट्रिय