लुँ तस्करपिन्त कारबाही यायेमाःगु माग यासे नेकपा एमालें राष्ट्रिय सभाया बैठक थौ न अवरुद्ध याःगु दु।

एमालें अवरोधया कारण बैठक साउन २२ गते न्हिनय् १ बजेया लागि स्थगित याःगु दु। बैठकया सुरुइ हे नेकपा एमालेया सदस्य भैरवसुन्दर श्रेष्ठं लुँ तस्करी प्रकरणय् नां दुथ्यापि न्ह्याम्ह हे जूसा कारबाही यायेगु सुनिश्चित सरकारं मयातले बैठक न्ह्याके बिइमखु धका धाःगु दु।

वया लिपा हे राष्ट्रिय सभाया एमालेया सदस्यपि थः थःपिनिगु थासं दना बैठक अवरुद्ध याःगु खः। वया लिपा अध्यक्ष गणेश प्रसाद तिमिल्सिनां वइगु २२ गते न्हिनय्े १ बजे तकया लागि बैठक स्थगित जूगु घोषणा याःगु खः ।

Categorized in राष्ट्रिय