सरकारयात १ क्वीन्टल लुँ तस्करी प्ररकरणया छानबिन समिति दयकेमाःगु दवाव वयाच्वंगुलि गृहमन्त्री, आईजीपी व सीआईबी प्रमुखपि सिंहदरबारस्थित प्रधानमन्त्री कार्यालय थ्यकूगु दु।

सरकारं उगु प्रकरणय् विशेष अनुसन्धान समिति दयकिइगु अनुमान याःगु दु। आः गृहमन्त्री नारायणकाजी श्रेष्ठ व आईजीपी बसन्तबहादुर कुँवर व केन्द्रीय अनुसन्धान ब्यूरो–सीआईबी प्रमुख किरण बज्राचार्यपि सिंहदरबारस्थित प्रधानमन्त्री कार्यालय वःगु दु।

संवैधानिक परिषदया बैठक लिपा प्रधानमन्त्री पुष्पकमल दाहालं उपि सहलह याइगु जुगु दु। भन्सारय् सामान दुने सुचूका हवाई मार्ग जुया लुँ तस्करीइ राजस्व अनुसन्धान विभागं अनुसन्धान यानाच्वंगु खः।

संगठित अपराधय् अनुसन्धान मजूगु व प्रहरीयात जिम्मा मबिइवं सरकारया आलोचना जुयाच्वंगु खः।

Categorized in राष्ट्रिय