नेकपा माओवादी केन्द्रया उपमहासचिव जनार्दन शर्मां न्ह्यागु इलय् न अध्यक्ष पुष्पकमल दाहाल प्रचण्डयात ग्वाहालि यानावया च्वनागु धका धयादीगु दु।

तर गुवलय् मिखाँ ल्वाका खँ ल्हाय्गु इलय् नेतृत्वयात ग्वाहालि मयातः धका प्रचार जुयाच्वंगुलि असन्तुष्टि प्वकूगु दु। नेपाल प्रज्ञा प्रतिष्ठानय् जुयाच्वंगु केन्द्रीय समिति बैठकय् थःगु खँ तयेगु झ्वलय् शर्मां अध्यक्षं चाहे जूगु इलय् थःगु मतयात छखेतया न ज्या याना च्वनागु दु।

लिपागु इलय् ‘स्वतन्त्र व्यक्ति राष्ट्रपति याये मज्यु, पार्टीपाखे दयकेमाः, सभामुख व राष्ट्रपति छगू हे पार्टीयाम्ह जुलकि थप समस्या वइ धका खँ जुगु’ धका थःगु मत छखेतया न पालना यानागु धका शर्मां धाःगु दु।

Categorized in राजनीति