सरकारं पप्पु कन्स्ट्रक्सननापं निगु दर्जन निर्माण लिसे आपूर्तिकर्ता व्यवसायीपिन्त हाकू धलखय् तःगु दु।

सार्वजनिक खरिद अनुगमन कार्यालयं सोमवाः छगू सूची सार्वजनिक यासे थ थे जानकारी बिःगु खः। कार्यालयया कथं थीथी सार्वजनिक निकायपाखे लेखि वःगु कथं उमितं हाकू धलखय् तयेगु निर्णय याःगु खः ।

उगु हाकू धलखय्लापि ठेकेदार कम्पनीपिन्स दँच्छि निसे दँत्याःतक छु न निर्माण लिसे ठेक्काय् ब्बति कायेगुलि रोके याःगु दु। सतक डिभिजन हर्कपुर ओखलढुंगाया सिफारिसय् पप्पु/कोशी एण्ड न्यौपानेयात दँत्याः या लागि हाकू धलखय् तःगु दु ।

पूर्वाधार विकास कार्यालयया सिफारिसय् नतासा निर्माण सेवा भरतपुरयात दँच्छिया निति हाकू धलखय् तःगु दु। यक्का सतक डिभिजन भरतपुरं वःगु सिफारिसया आधारय् ठेकेदार व्यवसायी हाकू धलखय् लागु दु धका कार्यालयया धलखय् उल्लेख याःगु दु ।

Categorized in अपराध