ख्वप नगरपालिका ४ स्थित राम मन्दिरय् प्यम्ह फसे जुयाच्वपिन्त स्थानीयपिनिगु ग्वाहालिं प्रहरीं उद्धार याःगु दु ।

देगलय् च्वनाच्वपि ८२ दँ दुम्ह भोजराज खरेल (महाराज हरिदाष), ५५ दँ दुम्ह दुर्गा गुरुङ, ११ दँ दुम्ह मेघना गुरुङ व ६० दँ दुम्ह सीता राईयात उद्धार याःगु दु धका जिल्ला प्रहरी परिसर ख्वपया प्रवक्ता बसन्त पाठकं धाःगु दु।

वंगु चान्ह्यः वाः वया हनुमन्ते खुसि सिथय् च्वःगु उगु देगलय् लः दुहावःगु खः।

Categorized in राष्ट्रिय