नक्कली शैक्षिक प्रमाणपत्रया आधारय् सिटिजन्स बैंकय् जागिर नःपि मेपि झीम्ह कर्मचारी फरार जूगु दु।

येँ प्रहरी परिसरया विशेष टोलीं बैंकया खुम्ह कर्मचारीपिन्त म्हिगः सोमवाः ज्वंगु खः। उपि सिटिजन्स बैंकय् थीथी शाखा कार्यालय ज्या याइपि कर्मचारीपि खः धका येँं प्रहरी परिसरया प्रवक्ता प्रहरी उपरीक्षक (एसपी) कुमोध ढुंगेलं जानकारी बिःगु दु।

बैंकय् ज्या याइपि कर्मचारीपि मनिशा मास्के, गोमा ज्ञवाली, कल्पना खत्री, प्रतिक्षा रेग्मी, खिमानन्द गौतम व दीपक विष्टयात ज्वंगु खः।

उपि नापं मेपि झीम्ह कर्मचारी बिस्यू वनाच्वंगु दु धका प्रहरीं धाःगु दु। दिपककुमार झा, सुशान्त शर्मा, सुनिता भुसाल, चेतबहादुर थापापि आःतक बिस्यु वनाच्वंगु खः।

Categorized in अपराध