नेवाः न्ह्यलुवाःलिसें पुलांम्ह स्वास्थ्य राज्यमन्त्री तीर्थराम डंगोलयात प्रा.बीसी मल्ल सिरपा लः ल्हाःगु दु ।

प्रज्ञाप्रतिष्ठाय् छगू ज्याझ्वःया दथुइ प्रा. बीसी मल्ल प्रतिष्ठानं थथे सिरपा लः ल्हाःगु खः । त्रिभूवन बिश्वबिद्यालयया पुलाम्ह उपकुलपति प्रा.बीसी मल्लया नामं निस्वनातंगु उगु सिरपा थ्व दँय् डंगोलयात लः ल्हासें वयकःयात हना–पौं लिसें राशी लः ल्हाःगु खः ।

डंगोलं प्रजातन्त्र प्राप्तिया नितिं यानादिगु योगदान यात लुमंकुसें थथे सम्मान यानाःगु खँ ग्वसाः खलकं धाःगु दु ।

डंगोल पोस्टेड ल्वय्या हुनिं म्हं मफयाच्वंम्ह खःसा छु न्हिं न्ह्यः जक सूमेरु अस्पतालय् वासः यानाः थौं कन्हय् छेँ आराम यानाच्वनादिगु दु ।

Categorized in राष्ट्रिय