धादिङयाया गजुरी–२ चालिसे धाःगु थासय् च्वंगू त्रिशूली खुसिइ बस कुतुवना च्याम्ह सीगु दु सा च्याम्ह घाःपाः जूगु दु।

येँपाखे पोखरा वनाच्वंगु प्रदेश ३–०१–००५ ख ९९५२ नम्बरया थौ सुथय् ११ः१५ बजे सतकय् करिब ४० मिटर क्वय् त्रिशूली खुसिइ कुतुवंगु खः।

दुर्घटनाय् निम्ह मिसा व खुम्ह मिजंपि सीगु दु धका जिल्ला प्रहरी कार्यालय धादिङया प्रवक्ता नाप डिएसपी सन्तु जयसवालं जानकारी बिःगु दु। ‘घटना जूगु थासं झीखुम्हसित उद्धार यानागु खः, उकि मध्ये च्याम्ह सीगु दु सा च्याम्ह घाःपाः जूगुलि घाःपाःजूपि स्थानीय अस्पतालय् उपचार जुया जुयाच्वंगु दु,’ डिएसपी जयसवालं धाःगु दु।

घटना जूगु थासय् नेपाली सेना, सशस्त्र प्रहरी व नेपाल प्रहरीया टोलीपिन्स उद्धार यायेगु ज्या जुयाच्वंगु दु।

Categorized in राष्ट्रिय