२०८१ आषाढ ३१, सोमबार

सत्ता गठबन्धनपाखे संविधान अःखः ज्या जुयाच्वंगु दु, पूर्वप्रधानमन्त्री झलनाथ खनाल

लहनान्युज | गुंलाथ्व दशमी ११४३, भदौ ९ शनिवाः

पूर्वप्रधानमन्त्री झलनाथ खनालं सत्ता गठबन्धनपाखे बारम्बार संविधान अःखः ज्या जुयाच्वंगु दु धका धयादीगु दु।

थौं शनिवाः येँ पार्टी स्थापना दिवसया लसताय् जूगु छगू ज्याझ्वलय् वयकलं संविधानया रक्षा यायेगु धका गठबन्धनं बारम्बार संविधान अःखः ज्या यानाच्वंगु दु धका धयादीगु खः।

‘झीसं संविधानया रक्षा याना च्वनागु दु धका धयाच्वनागु दु, तर संविधानया रक्षा याइपि झीगु गठबन्धन दु, उगु हे गठबन्धनं संविधान छगू लिपा मेगु उल्लंघन याना च्वंगु दु धका धयादीसे सर्वोच्च अदालतं फैसला बियाच्वंगु दु, कोशीइ जक हे निक्वःतक संविधानया उल्लंघन जुइ धुकु दु धका सर्वोच्च अदालतं फैसला बिइ धुकुगु दु’, वयकलं धयादीगु दु।

कोशीइ सभामुखया समर्थनय् मुख्यमन्त्री नियुक्त जुया  साउन ११ गते सर्वोच्च अदालतं उद्धव थापाया पद खारेज याना बिःगु खः। वया लिपा सभामुखयात राजीनामा बिइका समर्थन कायेगु निति हाकनं मुख्यमन्त्री जूम्ह थापां विश्वासया मत कायेगु इलय् प्रदेशसभाया अध्यक्षता यानाच्वम्ह मनूखं तक मत बिइकूगु खः।

Categorized in राजनीति