बिष्णु–नाति फोटो पत्रकारिता सिरपाः नरेश श्रेष्ठयात छगू ज्याझ्वः दथुइ थौं लःल्हागु दु।

बागमती प्रदेशया पयर्टन, संस्कृति व सहकारी मन्त्री पुकार महर्जनं छगु ज्याझ्वःया दथुइ हिमालय टाइम्सया फोटो पत्रकार श्रेष्ठयात हनापौ लःल्हानादीसे हनादीगु खःसा दाता बिष्णु देबी महर्जनं नगद झीद्धः नगद सिरपाः लःल्हानादीगु खः।

अथेहे मन्त्री महर्जनं ताः ईनिसे बाजं स्यनिइगु ज्या यानादीम्ह सुनिता महर्जनयात बाद्य गुरुया सम्मान लःल्हानादीगु खः। थौं बिष्णु–नाति फोटो पत्रकारिता सिरपाः गुथिया ग्वसालय् जूगु उगु ज्याझ्वलय् बरिष्ठ फोटो पत्रकार नातिकाजी महर्जन व वयकःया जहान बिष्णु देबी महर्जनं उगु सिरपाः निस्वादीगु खः।

पुर्णिमा शाक्यं न्ह्याकादीगु उगु ज्याझ्वलय् बरिष्ठ फोटो पत्रकार अमर चित्रकार, रासस राजु शाक्य, नेवाः पत्रकार राष्ट्रिय दबूया नायः नृपेन्द्रलाल श्रेष्ठपिन्स न फोटो पत्रकारिताया महत्व नाप सिरपाः त्याकादीपिन्त भिंतुना देछानादीगु खः। 

Categorized in राष्ट्रिय