वंगु वाःनिसे कुहावना च्वंगु शेयर बजाः थौं न कुहावःगु दु। शेयर  बजाः परिसूचक नेप्से थौं आइतवाः २० दशमलव ५४ अङ्कं कुहावया १ हजार ९ सय ९३ दशमलव ३८ विन्दुइ थ्यःगु दु।

थौं म्युचल फन्डबाहेक दक्को समूहया शेयर कुहावःगु दु। दकलय् अप्पो मकर जितुमाया सुरी हाइड्रोपावर कम्पनीया शेयर साढे ९ प्रतिशत व लिवर्टी इनर्जी कम्पनीया शेयर झन्डै साढे ६ प्रतिशतं घटे जूगु दु।

समग्र बजाः कुहावंसा कुथेली बुखारी हाइड्रोपावर कम्पनीया शेयर १० प्रतिशतं थहावःगु दु। बजाः थौ ३८ लाख ९५ हजार कित्ता शेयर १ अर्ब २६ करोड २७ लाख रुपैयाँया कारोबार जूगु दु।

दकलय् अप्पो  एसियन लाइफ इन्सुरेन्स कम्पनीयो ७ करोड ४६ लाख रुपैयाँया शेयर कारोवार जूगु दु।

Categorized in राष्ट्रिय