राष्ट्रिय युवा संघ नेपाल येँ महानगरपालिका २४ वटा कमिटीया ग्वसालय् हि दान ज्याझ्वः जूगु दु। हिया अभावं सूना नं अकालय् ज्यान गुमे याये म्वालेमाः धका धासे थुगु कमिटीं येँया मखं त्वालय् छगु हि दान ज्याझ्वःया ग्वसाः ग्वःगु खः।

उगु ज्याझ्वलय् जम्मा ५१ पिन्ट हि संकलन जूगु दु धका कमिटीया अध्यक्ष बिकेश तुलाधरं लहनान्युजयात जानकारी बिःगु दु। हि दाता व पाहाँपिन्त कमिटीया अध्यक्ष तुलाधर व सचिव अजय महर्जनं दसिपौ व मतिनाया चिं लःल्हानादीगु खः। उगु ज्याझ्वलय् नेकपा एमाले येँ जिल्लाया सचिव नापं पूर्व बागमति प्रदेश सभासद् राजेश शाक्य नं हि बिउगु खः।

अथेहे ब्लड डोनर्स एशोसिएसन नेपाल (ब्लोदान) या केन्द्रीय अध्यक्ष सानुबाबु प्रजापति, राष्ट्रिय युवा संघ नेपाल, येँ महानगर कमिटीया अध्यक्ष दिपेश सुधाकरया न उपस्थिती दुगु खः।

Categorized in राष्ट्रिय