परराष्ट्रबिद नाप बरिष्ठ पत्रकार हिरण्यलाल श्रेष्ठ म्हिगः डिस्चार्ज जुयादीगु दु। निवाः न्ह्यः जँय् नसा च्यापे जुया अस्पतालय् भर्ना जूयादीगु खः।

जँय् नसा च्यापे जुगुलि वयकःयात येँया स्वयम्भुइ च्वंगु मनमोहन मेमोरियल मेडिकल कलेज लिसे शिक्षण अस्पतालय् वासः यायेगु निति भर्ना जुयादीगु खः।

वयकःया काय् नाप मनमोहन मेमोरियल मेडिकल कलेज लिसे शिक्षण अस्पतालया प्रवन्ध निर्देशक डा. मुजः श्रेष्ठ लहनान्युजयात जानकारी बिगु कथं बरिष्ठ पत्रकार हिरण्यलाल श्रेष्ठ याःगु डा. गौरव ढकाल व डा. निराजन सुवेदीया पुचलं सफलता पुर्वक अप्रेशन यानादीगु खः धका धयादीगु दु।

वयकःया आः बुढानिलकण्ठय् थःगु छेँय् आराम यानाच्वनादीगु दु धका डा. श्रेष्ठं धयादीगु दु।

Categorized in राष्ट्रिय