नेपाली राष्ट्रिय क्रिकेट टिमया पूर्वकप्तान पारस खड्का बागमती प्रदेश क्रिकेट संघया अध्यक्षय् निर्वाचित जूगु दु। उमेश पियायात लिउने लाकूसे पारस अध्यक्ष निर्वाचित जूगु खः।

खड्का २३ मत काःगु खःसा पियां १४ मत काःगु दु। १३ म्ह सदस्यीय कार्यसमितिइ पारसनाप मेपि १२ म्ह ल्यःगु दु। उपाध्यक्षय् प्रेमबहादुर क्षेत्री, सचिवय् प्रशन्न शाक्य, कोषाध्यक्षय् सञ्जय बस्नेत निर्वाचित जूगु खः।

अथेहे सदस्यय् अजयवीर पाण्डे, अनिल अधिकारी, सन्जोग पोखरेल, सुजन महर्जन, धिरज श्रेष्ठ, शेखर श्रेष्ठ, बसन्तराज सत्याल ‘अरुण’ व अनुजमान श्रेष्ठ निर्वाचित जूगु खः।

नीरा राजोपाध्याय धाःसा निर्विरोध निर्वाचित जूगु खः।

Categorized in कासा