२०८१ आषाढ ११, मंगलबार

नेपाल एसिया कपं पिहावनं

लहनान्युज | गुंलागा षष्ठी ११४३, भदौ १९ मंगलवाः

भारतनाप १० विकेटं बूइवं नेपाल एसिया कपं पिहावःगु दु। म्हिगः सोमवाः वाः वया अवरुद्ध जूगु कासाय् २३ ओभरय् घटे याना भारतयात १४५ रनया लक्ष्य विःगुलि ‍‍‍२०.१ ओभरय् उगु लक्ष्य पूरा याःगु खः।

भारतया ओपनर कप्तान रोहित शर्मा ७४ व सुभमन गिल ६७ रनं नट आउट दयकूगु खः। टस बूया न्हापां नेपालं ब्याटिङ याःगुलि ४८.२ ओभरय् २३० रन दयकूगु खः। नेपाःया आशिफ शेखं अर्धशतक दयकूगु खःसा सोमपाल कामी २ रनं अर्धशतक दयके मफुगु खः ।

निम्हेसिया न्हापागु विकेटया लागि ६५ रनया साझेदारी याःगु खः । भीम सार्की ७, रोहितकुमार पौडेल ५ व कुशल मल्ल २ रन दयकूगु खः। अथेहे नेपाःया लागि आशिफ शेखं ५८ रन, कुशल भुर्तेलं ८, दीपेन्द्रसिंह ऐरीं २९ रन, गुल्शन झा न २३ रन दयकूगु खः।

बलिङपाखे भारतया लागि रवीन्द्र जडेजा व मोहम्मद सिराजं ३/३ विकेट काःगु खः।

Categorized in कासा