मुनासः ५० दँय् क्यंगु लसता छगु तःजिक ज्याझ्वः जूगु दु ।

मुनासःया नायः श्रीराम श्रेष्ठया सभाध्यक्षताय् जूगु ज्याझ्वःया उलेज्या यल महानगरपालिकाया मेयर चिरिबाबु महर्जन, येँ महानगरपालिका उपमेयर सुनिता डंगोल व किपू नगरपालिकाया कार्यवाहक मेयर सुनिता शाक्यपिन्स मंकाः कथं उलेज्या यानादीगु खः ।

उगु ज्याझ्वलय् ख्यालि जुजु लिसें मुनासःया छ्यांज्ये मदनकृष्ण श्रेष्ठं लसकुस यानाः न्ह्याःगु ज्याझ्वलय् जनगायक भृगुराम श्रेष्ठ, जनकवि दुर्गालाल श्रेष्ठ व साहित्यकार पुष्प चित्रकारयात विशेष सम्मान याःगु खः ।

अथेहे मुनासलं खुक्वः तक याःगु ख्यालः धेधेंबल्लाः कासाय् ब्वति काःपिं लेखक, निर्देशक व कलाकारपिंत लुमन्ति चिं लःल्हाःगु खः । ज्याझ्वलय् पाहांपिं हरिवंश आचार्य व प्रकाश साय्मिं भिन्तुना देछाःगु खः ।

Categorized in मनोरन्जन