नेपाःया कासामि रजनी श्रेष्ठं मंगलवाः जूगु ५५ क्वःगु एसियाली शारीरिक सुगठन नाप फिजिक स्पोर्ट्स च्याम्पियनसिपय् स्वर्ण पदक त्याकूगु दु।

रजनीं येँ जूगु उगु महिला शारीरिक सुगठनया ५५ केजी तौल समूहय् भारतया सविता बानियाँ यात बूका स्वर्ण त्याकूगु खः।

भारतया सविता रजत व भियतनामया दिन्ह किम लोन कांस्य त्याकूगु खः। उगु कसाय् नेपालं स्वंगू स्वर्ण त्याकूगु खः। विशाल पौडेल व सनम मुलगुठी न स्वर्ण त्याकूगु खः।

मिसा १५५ सेमितक मोडल फिजिकय् तारा खाईजुं रजत त्याकूगु खः। थाइल्याण्डया किरातिया छन्त्रतं स्वर्ण व भारतया निमा डोमा लामां कांस्य त्याकूगु खः ।

मिजं १७० सेमी फिजिक विधाय् राजु राई न रजत पदक त्याकूगु खः।

Categorized in कासा