२०८१ जेठ ७, सोमबार

भारतय् जी–२० सम्मेलन सुरु

लहनान्युज | गुंलागा दशमी ११४३, भाद्र २३ शनिवाः

भारतया न्हुगु दिल्लीइ थौंनिसे जी–२० सम्मेलन सुरु जूगु दु। उगु सम्मेलनय् ब्बति कायेगु निति अमेरिकी राष्ट्रपति जो बाइडेन, बेलायती प्रधानमन्त्री ऋषि सुनक, अर्जेन्टिनाया राष्ट्रपति नापं मेगु १७ देय् या प्रमुख नाप प्रतिनिधिपिन्स ब्बति काःगु दु।

थुगु सम्मेलन ९ व १० सेप्टेम्बर याना निन्हु तक न्ह्याइ। थौं जुगु सम्मेलनय् २० देय् नेतापि छगु हे मञ्चय् खने दइगु जुगु दु।

जी–२० य् अस्ट्रेलिया, अर्जेन्टिना, ब्राजिल, क्यानडा, चीन, फ्रान्स, जर्मनी, भारत, इण्डोनेसिया, इटली, जपान, मेक्सिको, रुस, साउदी अरब, दक्षिण अफ्रिका, दक्षिण कोरिया, टर्की, युनाइटेड किंगडम, संयुक्त राज्य अमेरिका आबद्ध दु।

Categorized in अन्तर्राष्ट्रिय