राष्ट्रिय सभाया अध्यक्ष गणेशप्रसाद तिमिल्सिनां सुवास नेम्वाङं पविधानसभाय् म्हितूगु भूमिकायात न्ह्यावलय् लुमकेगु जुइ धका धयादीगु दु ।

नेम्वाङ मदुगुलि बिचाः हाय्कादीसे वयकलं २०६२÷६३ या जनआन्दोलनलिपा पुर्नस्थापित संसदय् सभामुख व न्हापागु लिपागु संविधानसभाया अध्यक्ष कथं नेम्वाङं म्हितूगु नेतृत्वदायी भूमिका अनुकरणीय दुगु धका धयादीगु खः।

नेपाःया शान्ति प्रक्रिया व संविधानसभापाखे नेपाःया संविधान जारी यायेत नेम्वाङया तधःगु भूमिका दु धका धयादीसे, ‘वयकलं सुझबुझपूर्ण ढंगं दक्कोनाप सहज संवादया माध्यमपाखे सहमति कायम यासे विवाद निरुपण यायेगु पहःयात दक्कोसिया लुमेक्यगु याइ।’

अथेहे वयकः धयादीगु दु ‘राष्ट्रं छम्ह सिद्धान्तनिष्ठ देशभक्त इमानदार नेता गुमे याःगु दु’

Categorized in राष्ट्रिय