२०८१ आषाढ १२, बुधबार

भारतं श्रीलङ्कायात २ सय १४ रनया सामान्य लक्ष्य बिल

क्षितिज श्रेष्ठ | गुंलागा त्रयोदशी ११४३, भाद्र २६ मंगलवाः

एसिया कप क्रिकेटया ’सुपर फोर’ य् भारतं श्रीलङ्कायात २ सय १४ रनया सामान्य लक्ष्य बिःगु दु।

कोलम्बाय् टस त्याकां न्हापां ब्याटिङ यानां भारत ४९ ओभर १ बलय् २ सय १३ रन दय्का अल आउट जूगु खः। भारतया लागि कप्तान रोहित शर्मां दकलय् अप्पो ५३ रन दयकूगु खः ।

अथेहे केएल राहुलं ३९, ईशान किशनं ३३ व अक्षर पटेलं २६ रन दयकूगु खः।

बलिङय् श्रीलङ्काया बलर दुनिथ वेलालेगे न न्यागू विकेट काःगु खः। वेलालेगे न एकदिवसीय अन्तर्राष्ट्रिय क्रिकेटय् थ्व हे न्हापां न्याःगु विकेट काःगु खः।

अथेहे चरिथ असलन्कां प्यंगू व महीश थीकशानां छगू विकेट काःगु खः भारतया झिगू हे विकेट स्पिनरपिन्स काःगु खः।

Categorized in कासा