२०८१ आषाढ ११, मंगलबार

एसिया कप क्रिकेटय् भारत ’सुपर फोर’य् थ्यनं

लहनान्युज | गुंलागा चःह्रे ११४३, भाद्र २७ बुधवाः

श्रीलङ्कायात बूकां भारत छगू कासा न्ह्यः हे एसिया कप क्रिकेटया फाइनलय् थ्यःगु दु। म्हिगः कोलम्बोय् ’सुपर फोर’ जूगु कासाय् भारतं श्रीलङ्कायात ४१ रनं बूकुगु खः।

भारतं बिःगु २ सय १४ रनया सामान्य लक्ष्य श्रीलङ्का ४१ ओभर ३ बलय् १ सय ७२ रन जक दय्का अल आउट जूगु खः। श्रीलङ्काया लागि दुनिथ वेलालेगे न नटआउट ४२ रन दयकूगु खः।

अथेहे धनन्जय डी सिल्भा ४१ रन दयका आउट जूगु खः। बलिङपाखे भारतया कुलदीप यादवं प्यंगू व हार्दिक पान्ड्या व रवीन्द्र जडेजापिन्स निगु निगु विकेट काःगु खः।

टस त्याकां न्हापां ब्याटिङ याःगु भारतं ४९ ओभर १ बलय् २ सय १३ रन दय्का अल आउट जूगु खः। भारतं आः सुपर फोरया लिपागु कासा शुक्रवाः बङ्गलादेशनाप म्हितिइगु जुगु दु।

फाइनलय् सू थ्यनिइ धका आः बिहीवाः पाकिस्तान व श्रीलङ्का दथुइ जुइगु कासां जक सिइ दइगु जूगु दु। उगु कासाय् सू त्याइ वहे टिम फाइनलय् थ्यनिइगु जुगु दु।

Categorized in कासा