हेटौंडाय् निम्ह चिकित्सकपिन्त दागु दु । हेटौंडा उपमहानगरपालिका–१ स्थित सञ्चो हस्पिटलया चिकित्सकपिन्त ल्हाः वाःगु दु।

बुधवाः हस्पिटलया चिकित्सकपि विकास थापा व प्रशान्त विडारीपिन्त एचडीयु वार्डय् ल्हाः तःगु धका मकवानपुरया प्रमुख जिल्ला अधिकारी सुर्य सेढाइं जानकारी बिःगु दु। लच्छि न्ह्यः सञ्चो अस्पतालय् डेङ्गु परीक्षण यागुलि पुष्टि जूम्ह हेटौंडा–१२, पदमपोखरीया ४१ दँ दुम्ह राजेश प्रधानया उपचारय् लापरबाही जूगु धासे अथे ल्हाः तःगु खः। उगु विषययात कया थःथितीपिन्स डाक्टरयात आमक्रण याःगु धका प्रजिअ सेढाइ न धाःगु दु।

अस्पतालया कथं डेङ्गु पुष्टि जुया प्रधान आराम यायेत छेँ यकूगु खः। वया छु दिं लिपा हाकनं अस्पतालमा भर्ना याःगु खः। निक्वःगु पटक डेङ्गु खनेवं प्रधानयात भरतपुरय् उपचारया लागि यकूग खःसा वया कन्ह्यः कुन्हु हे मदुगु खः।

डाक्टरयात दागु इलय मेमेपि बिरामी कुरुवापिन्त न ल्हाःतःगु दु धका अस्पताल प्रशासनं धाःगु दु। उमित आःतक ज्वंगु मदुनि। 

Categorized in राष्ट्रिय