२०८१ आषाढ १२, बुधबार

स्टोक्सं १८२ रनया कीर्तिमानी दयकलं

लहनान्युज | गुंलागा आमै ११४३, भाद्र २८ बिहीवाः

बेन स्टोक्सं कीर्तिमानी १८२ रन दय्कूगु कासाय् इंग्ल्याण्डं न्युजिल्याण्डयात १८१ रनं पराजित यासे प्यंगु कासाया सिरिजय् २–१ न्ह्यने लागु दु।

स्टोक्सं इंग्ल्याण्डया लागि ओडीआईय् छगु हे कासाय् यक्को रन दयकूगु कीर्तिमान तःगु खः। स्टोक्सं थ्व स्वया न्ह्यः ज्यासन रोएया नामय् दुगु १८० रनया कीर्तिमान दुगु खः। प्यक्वःगु नम्बरय् ब्याटिङ याःम्ह स्टोक्सं १८२ रन दयकूगुलि टस बूया न्हापां ब्याटिङ यागुलि इंग्ल्याण्डं ४८.१ ओभरय् दक्को विकेट गुमे याना ३६८ रन दयकूगु खः ।

१२४ बलय् स्टोक्सं १५ चौका व ९ छक्का थ्वागू खः। १३–२ या अवस्थाय् स्टोक्सं डेविड मालाननाप १९९ रनया साझेदारी याःगु खः। शतक दय्केगु निति प्यंगु रनं चुक जूम्ह मालानं ९५ बलय् ९६ रन दयकूगु खः। कप्तान जोस बटलरं ३८ रन दयकूगु खः। न्युजिल्याण्डया लागि ट्रेन्ट बोल्टं ५ व बेन लिस्टरं स्वंगू विकेट काःगु खः।

३६९ रनया लक्ष्य ज्वनां न्युजिल्याण्डं ३९ ओभरय् दक्को विकेट गुमे याना १८७ रनय् अलआउट जूगु खः। न्युजिल्याण्डया लागि ग्लेन फिलिप्सं दकलय् अप्पो ७२ रन दयकूगु खः। ७६ बलय् ५ चौका व २ छक्का थ्वागू खःप्रहार गरे । रचिन रभिन्द्रं २८ व डारेल मिचेलं १७ रन दयकूगु खः।

बलिङय् इंग्ल्याण्डया क्रिस वोक्स व लिएम लिभिङ्स्टोनं स्वंगू स्वंगु रिस टोपले न निगु विकेट काःगु खः।

Categorized in कासा