घरेलु टोली श्रीलङ्का एसिया कपया सुपर फोर कासाय् पाकिस्तानयात निगु विकेटं रोमाञ्चक कथं त्याकां फाइनलय् थ्यःगु दु।

श्रीलङ्कां कोलम्बोय् आर प्रेमदासा क्रिकेट स्टेडियमय् जूगु कासाय् श्रीलङ्का डकवर्थ लुइस पद्धति कथं निगु  विकेटं त्याकूगु खः। पाकिस्तानं बिःगु २ सय ५२ रनया लक्ष्य श्रीलङ्कां निर्धारित ४२ ओभरया लिपागु बलय् पूरा याःगु खः।

साविक विजेता श्रीलङ्कां आइतवाः भारतनाप उपाधिया लागि म्हितिइगु जूगु दु। भारत छगू कासा न्ह्यः हे फाइनलय् थ्यने धुकुगु दु। भारतं सुपर फोरया लिपागु कासा थौं बङ्लादेशनाप म्हितिइगु जूगु दु ।

Categorized in कासा