थ्व हे वइगु २०८० असोज ६ निसे २१ गते तक जुइगु १९ एशियन कासा २०२२ या निति नेपाल ई स्पोर्ट्स एसोसिएशन न २३ म्ह कासामि चिनको होन्जाऊ छ्वंगू दु।

न्यागु इभेन्टस उकि मध्य पब जी, डोटा, फीफा, ड्रीम ३ किंगडम व एओभीइ २३ कासामिपि ल्यःज्या जूगु दु। नेपाल ओलंम्पिक कमिटी, सातडोबाटाय् जूगु छगु ज्याझ्वलय् एथलिट ओरिएंटेशन कासामिपि म्हसिका व तुच्चा ज्याझ्वः जूगु दु।

उषू बिधाया पूर्व राष्ट्रीय कासामि आंग बाबू लामा, बुद्धिचालया मोनालिशा खम्बू व बैडमिंटन संघया सदस्य नापं राष्ट्रीय व अन्तराष्ट्रीय खेलाड़ी संघया उपाध्यक्ष दीपक थापापिन्स कासामिपिन्त थःथःगु अनुभव कनादीसे भिंतुना न देछानादीगु खः।

मिडिया हैंन्डलिंगपाखे स्पोर्ट्स जर्नलिस्ट राजू घिसिंगं कासामिपन्त तालीम लःल्हाःगु खः। नेपाल स्विमिंग संघया अध्यक्ष अशोक बज्राचार्य व नेपाल ओलंपिक कमिटीया अध्यक्ष जीवन राम श्रेष्ठ, नेसाया अध्यक्ष सूरज डैंगोलपिन्स एक्रेडिटेशन कार्ड वितरण याःगु खः।

Categorized in कासा