२०८१ आषाढ ७, शुक्रबार

मंकाः खलःयात येँ महानगरं छेँ लःल्हात

लहनान्युज | यंलाथ्व द्धितीया ११४३, भाद्र ३१ आईतवाः

येँ महानगरपालिकां नेपालभाषा मंकाः खलःयात छगु ज्याझ्वः दथुइ छेँ औपचारिक कथं लःल्हागु दु । म्हिगः शनिवाः जूगु छगू ज्याझ्वःया दथुइ मंकाः खलःया छेँ औपचारिक कथं लःल्हागु खः ।

येँ १५ वडा बिजेश्वरी दयेकुगु मंकाः खलःया छेँया उलेज्या मूपाहाँ कथं येँ महानगरपालिकाया उपमेयर सुनिता डंगोलं मंकाः खलःया नायः जनकवि दुर्गालाल श्रेष्ठ, येँ १५ वडाया वडा अध्यक्ष इश्वरमान डंगोलपिन्स मंकाः उलेज्या यानादिगु खःसा छेँया ताःचाः उप मेयर डंगोलं नेपालभाषा मंकाः खलःया नायः जनकवि दुर्गालाल श्रेष्ठंयात लःल्हानादिगु खः ।

मंकाः खलःया नायः जनकबि श्रेष्ठया सभाध्यक्षताय् जुगु उगु ज्याझ्वलय् रमेशमान पियां लसकुस यानादिगु खःसा प्रतापमान शाक्यं सुभाय् देछानादिगु खःसा राजा शाक्यं न्ह्याकादिगु खः । उगु छेँय् दनिइगु निति पुर्व मेयर बिद्यासुन्दर शाक्यं शिलान्यास यानादीगु खःसा येँ महानगरपालिकाया आर्थिक ग्वाहालि दयेकेगु ज्या जुगु खः ।

Categorized in राष्ट्रिय