आन्दोलन यानाच्वपि शिक्षकपिन्स थौं शुक्रवाः येँ प्रदर्शन याःगु दु। विद्यालय शिक्षा विधेयकया विरोधय् आन्दोलन याना च्वपि शिक्षकपिनिगु कुसा संगठन नेपाल शिक्षक महासंघं १७ बुँदे माग न्ह्यने तःगु दु।

उगु माग पूरा याकेत शिक्षकपिन्स वंगु असोज ३ गते निसे येँया फिब्ब ख्यलय् प्रदर्शन याना वयाच्वंगु खः । थौं शुक्रवाः न प्रदर्शन यायेगु निरन्तरता बियावया च्वंगु दु। थौं माइतीघरमण्डलय् मुनां शिक्षकपिन्स न्हुगु नयाँबानेश्वर तक प्रदर्शन याःगु दु।

थौं धाःसा प्रदर्शन यायेगु झ्वलय् शिक्षकपिन्स लँय् हे प्याखं हुला प्रर्दशन याःगु दु। उगु कारणं यातायात सेवा तक प्रभावित जूगु दु ।

Categorized in राष्ट्रिय