नेकपा एमालेया बाग्मती प्रदेश अधिवेशन थौं व कन्ह्यः जुइगु दु। येँया भृकुटीमण्डपय् जुगु अधिवेशनय् एमाले अध्यक्ष केपी शर्मा ओलीं उलेज्या याइगु ज्याझ्वः जुइगु दु।

अधिवेशनयात प्रविधिमैत्री यायेग कथं रोबोटया माध्यमपाखे याइगु व नेतृत्व ल्ययेगु निति सर्वसम्मत मजूसा विद्युतीय भोटिङ मेसिनपाखे मतदान यायेगु तयारी दु धका एमालें धाःगु दु।

एमालेया कथं अधिवेशनय् ११ सय ३८ म्ह प्रतिनिधिपिन्स ब्बति काइगु जूगु दु। छम्ह अध्यक्ष, छम्ह उपाध्यक्ष, छम्ह सचिव व निम्ह उपसचिव नापं न्याम्ह पदाधिकारीया लागि आः तक डेढ दर्जन स्वया अप्पोसिया आकाक्षा याःगु दु ।

आःया अध्यक्ष केशव पाण्डे, बाग्मती प्रदेश सभाया पूर्वसभामुख सानुकुमार श्रेष्ठ नापं केन्द्रीय सदस्यपि कैलाश ढुङ्गेल व कृष्णप्रसाद दाहाल लगायतपिन्स नेतृत्वया लागि दाबी याना वयाच्वंगु दु।

Categorized in राजनीति