हल्चोकय् एकादशी पूजा क्वचालं
नृपेन्द्रलाल श्रेष्ठ | यंलाथ्व द्धादशी ११४३, असोज ९ मंगलवाः
श्री हल्चोक आकाश भैरव हल्चोकय् एकादशी कुन्हु द्यः छेँय् जुइगु पूजा म्हिगः क्वचाःगु दु।
उगु पूजाय् भूमि व्यवस्था, सहकारी लिसे गरिवी निवारणमन्त्री रञ्जिता श्रेष्ठ न हल्चोकया द्यः छेँय् झाया पूजा यानादीगु खः।
दँय् दँसं यंला थ्व एकादशी कुन्हु जुइगु बिशेष पूजा यायेगु परम्परा दु। एकादशी कुन्हु जुइगु पूजाय् झिम्ह द्यःपिनिगु ख्वाःपा, तिसा व हतियार द्यः छेँय् न्ह्यःने तया पूजा यायेगु याइ। चण्डी, कुमारी व आकाश भैरव यँया इलय् जात्रा यायेगु याइ।
