येँ महानगरपालिकाया उपमेयर सुनिता डंगोलं राष्ट्रिय सभा गृह न्ह्यने वंगु च्यान्हु न्ह्यनेनिसे दनाच्वपि अभियन्ता ईः यात नापलागु दु।

थौं मंगलवाः सुथय् ईः लगायतया अभियन्तापिन्त नापलानां करुणादायी सरकारया अवधारणाप्रति थः प्रतिवद्ध दु धका धयादीगु खः। ‘बःपसः  विस्थापित जूपिन्त वैकल्पिक व्यवस्था सम्बन्धी नीति दय्केगुलि प्रतिवद्ध दु’ धका धयादीसे थःगु अधिकार सीमित जक दु धका धयादीसे वयकलं न्ह्यने धयादीगु दु, ‘थःगु थासं कुतः याये।’

येँ महानगरपालिकां चुनावीय् बचं बिउगु अःखः वैकल्पिक व्यवस्था मयासे बःपसः यानाच्वंपि व्यवसायीपिन्त चिइकूगु विरोधय् ईः वंगु मंगलवाःनिसे राष्ट्रिय सभा गृह न्ह्यने दनावया च्वंगु खः। लगातार दनाच्वंगुलि ईः या तुति मना वये धुकुगु दु।

Categorized in राष्ट्रिय