नेवाः न्ह्यलुवाः नापं वरिष्ठ उपन्यासकार मल्ल के. सुन्दरया न्हूगु उपन्यास ‘कुमारी’ थौं छगु ज्याझ्वः दथुइ पितब्बज्या जूगु दु।

येँया न्याम्ह पुर्व कुमारीपि पाखे उगु उपन्यास बिमोचन यानादीगु खः। उपन्यासकार मल्लया थ्व खुगूगु उपन्यास खः । नेवाः समाजय् प्रचलित कुमारी द्यःलिसे स्वानाच्वंगु किंवदन्तीया लिधंसाय् थ्व उपन्यास च्वयादीगु खः।

थःगु देशया अस्तित्व बचे यायेगु लागिं थम्हं ययेका तयाम्ह प्रेमि चण्डासुरयात स्यानाः राष्ट्रभक्तिया दसु ब्वयादीम्ह कुमारीया गौरवमय गाथा थ्व उपन्यासय् चित्रित जुयाच्वंगु दु ।

च्वमि मल्ल के. सुन्दरया कथं थुगु उपन्यासं नेवाः संस्कृति व नेवाः मिसापिनि साहसया किपा ब्वयेगु कुतः जुयाच्वंगु दु ।

Categorized in राष्ट्रिय