आर्थिक लेनदेन विवादय् फिल्म ‘रावायण’ या निर्माता याःगु उजुरी वयेवं ज्वना तम्ह अभिनेता अनमोल केसी नर्भिक अस्पतालय् भर्ना जूगु दु।

छातीइ समस्या वयेवं शुक्रवाः चान्ह्यः हे अस्पताल भर्ना जूगु जानकारी वयकःयांगु दु निकट छम्ह फिल्म निर्मातां धाःगु दु। ख्वपया साँगाय् बहनि ज्वंगु प्रहरीं केसीयात अपराध महाशाखा बानेश्वरय् हःगु खः ।

रावायण फिल्मपाखे निर्मात्रा सुप्रिया कटुवालं १० लाख रुपैयाँ पेश्की कया न अनमोलं फिल्म मम्हितीगु धका धासे प्रहरीयात आपराधिक विश्वासघातया उजुरी बिःगु खः ।

उगु उजुरीया आधारय् प्रहरीं पक्राउ पूर्जी जारी यासे ज्वंगु खः। प्रहरीं कन्ह्यः आइतवाः अनमोलयात अदालतय् उपस्थित याकेगु तयारी यानाच्व ।

Categorized in राष्ट्रिय