२०८१ आषाढ ३१, सोमबार

यँयाः जात्राय् चक्कू कय्का स्यागु द्धपनय् प्यम्हेसित प्रहरी ज्वनं

लहनान्युज | यंलागा पंचमी ११४३, असोज १७ बुधवाः

यँयाः जात्राय् ल्वापू जुया छम्ह मनूयात स्यागू द्धपनय् प्यम्हेसित प्रहरीं ज्वना सार्वजनिक याःगु दु। वंगु सोमवाः चान्ह्यः साढे ११ बजे जात्रा स्वया च्वम्ह ओखलढुंगा लिखु गाउँपालिका–४ छेँ दुम्ह १७ दँ दुम्ह सनी कार्कीयात चक्कू कय्का स्याःगु खः।

घाःपा जूम्ह कार्कीयात अस्पताल यकूगु इलय् मदुगु खः। उगु घटनाय् संलग्न जूगु द्धपनय् काठमाडौं प्रहरी परिसरं प्यम्हेसित ज्वना अनुसन्धान न्ह्याकूगु खः।

येँ महानगरपालिका–१९ य् छेँ दुम्ह थौं कन्ह्यः यलया लुकुसी च्वनाच्वम्ह २० दँ दुम्ह सोनिया श्रेष्ठ, यल महानगरपालिका–१९ एकान्तकुनाय् च्वम्ह २२ दँ दुम्ह सन्देश खड्की, मकवानपुरया हेटौंडा उपमहानगरपालिका–२ छेँ दुम्ह थौंकन्ह्यः येँ महानगरपालिका–२४ य् च्वना च्वम्ह १९ दँ दुम्ह भूमी मल्ल व यल गोदावरी नगरपालिका–५ य् छेँ दुम्ह  थौंकन्ह्यः नागबहालय् च्वम्ह १९ दँ दुम्ह अरबिन ठकुरीयात प्रहरी ज्वंगु खः।

परिसरया कथं सन्देश खड्की व सोनिया श्रेष्ठयात वहे चान्ह्यः मखनय् ज्वंगु खःसा भूमी मल्लयात क्षेत्रपाटीपाखे व अरबिन ठकुरीयात यलय् ज्वंगु खः।

Categorized in अपराध