नेकपा एमाले गण्डकी प्रदेशया अध्यक्षय् नवराज शर्मा प्यानल त्याःगु दु । शर्मां ५३१ मत हःगु खःसा वयकःया प्रतिस्पर्धी मायानाथ अधिकारीं ३६५ मत हःगु खः।

शर्मां अधिकारीयात १६६ मतं बूकुगु खः। निवर्तमान अध्यक्ष शर्मा प्यानलयात उपाध्यक्ष विष्णु पौडेल–उपमहासचिव पृथ्वीसुब्बा गुरुङ समूहया ग्वहालि दुगु खःसा केन्द्रीय सदस्य अधिकारीया प्यानलयात महासचिव शंकर पोखरेल–स्थायी कमिटी सदस्य खगराज अधिकारी पक्षपिन्स ग्वहालि याःगु खः।

उपाध्यक्षय् नवराज प्यानलया हे स्याङ्जाया मिनप्रसाद गुरुङं ५३४ मत हःगु खःसा प्रत्यासी नवलपुरया बाबुराम विश्वकर्मां ३६२ मत हःगु खः। अथेहे सचिवया उम्मेदवार लमजुङया धनञ्जय दवाडीं ५२० मत हःया त्याःगु खः। उपसचिव पदय् कास्कीया दामबहादुर विक, उपसचिव मिसाय् पर्वतया मन्जु अधिकारी त्याःगु खः। अधिवेशनय् थीथी क्लस्टरपाखे २७ म्ह थ्व स्वया न्ह्यः हे निर्विरोध निर्वाचित जुइ धुकुगु दु।

Categorized in राजनीति