राष्ट्रपति कार्यालय शितल निवास न्ह्यने विरोध प्रदर्शन याःपिं मानव अधिकार नापं शान्ति समाजया ११ म्हेसित ज्वंगु दु।

राष्ट्रपतिं सजाय माफी यायेफुगु अधिकारया दुरुपयोग रोके यायेत व कैद माफी याइगु इलय् च्वंनिसे क्वय् तक सम्भावित आर्थिक चलखेलबारे दुग्यकं छानबिन याये माःगु माग यासे प्रदर्शनया विरोधयाःपि अधिकारकर्मी तय्त प्रहरीं शीतल निवासं ज्वंगु खः।

शान्ति समाजया संस्थापक सभापति कृष्ण पहाडी, सभापति रामकृष्ण बराल, सल्लाहकार उत्तम पुडासैनी, महासचिव रेनुका पौडेल, कोषाध्यक्ष किरण ढकाल, सचिव चन्द्रमणी बञ्जारा, केन्द्रीय सदस्य दिवाकर पुडासैनी, येँ शाखा सभापति भगवान पुडासैनी, अधिकारकर्मी रिता अधिकारी, मधु पुडासैनी, लक्ष्मण पुडासैनी तय्त प्रहरीं ज्वंगु खः।

आः मेगु प्रदर्शन प्रधानमन्त्री कार्यालय सिंहदरबार (दक्षिण गेट) न्ह्यने असोज २६ गते न्हिनय् १ बजे यायेगु धका मानव अधिकार लिसे शान्ति समाजं धाःगु दु।

Categorized in राष्ट्रिय