बागमती प्रदेश सरकारया बैठकं प्यंगू निर्णय याःगु दु। सरकारं बागमती प्रदेशया खरया पौं मुक्त यायेगु कार्यविधि २०८० स्वीकृत यायेगु निर्णय यासे आन्तरिक मामिला लिसे कानून मन्त्री नापं सरकारया प्रवक्ता गंगानारायण श्रेष्ठं धाःगु दु।

उगु बैठकं चेपाङ वनकरिया माझी बोटे एकीकृत बस्ती लिसे आवास कार्यक्रम (मकवानपुर, चितवन व धादिङ) जिल्लाय् लागू जुइगु कार्यविधि स्वीकृत यायेगु निर्णय जूगु धका मन्त्री श्रेष्ठं धाःगु दु।

बैठकय् बागमती प्रदेश सभाया बर्षे अधिवेशन वंगु असोज २३ गते चान्ह्यःसिया १२ बजेनिसे क्वचाकेगु लागि प्रदेश प्रमुख समक्ष सिफारिस यायेगु व प्रहरी भवन निर्माणया लागि सम्बन्धित कार्यालययात अख्तियारी बिइगु निर्णय याःगु दु।

Categorized in राजनीति