२०८१ आषाढ ७, शुक्रबार

भारतीय प्रधानमन्त्री नरेन्द्र मोदीं कालापानीइ

लहनान्युज | यंलागा त्रयोदशी ११४३, असोज २५ बिहीवाः

भारतीय प्रधानमन्त्री नरेन्द्र मोदीं कालापानी क्षेत्रय् भ्रमण याःगु दु। मोदी हेलिकप्टरं कालापानीइ वःगु खः।

वयकलं थःगु सामाजिक सञ्जाल ट्विटरय् थः कैलाश व पार्वतीकुण्डया दर्शन यानागु दु धका धासे उगु तस्बिर तःगु खः।

मोदीं कालापानी क्षेत्रमा तैनाथ भारतीय सेना, इन्डो–तिब्बत बोर्डर पुलिस, सशस्त्र सीमा बल व सुरक्षा अधिकारी तय्त नापलानां सहलह याःगु खः। भारतीय प्रधानमन्त्री मोदी वःगु उगु थाय् नेपाल–भारत सीमा क्षेत्रय् लाः। मोदीं भ्रमण याःगु  बारेय् नेपाःयात छु न औपचारिक जानकारी मदु धका जिल्ला प्रशासन कार्यालय दार्चुलां धाःगु दु।

सरकारं २०७७ साल जेठय् सार्वजनिक याःगु नेपाःया न्हुगु नक्साय् लिम्पियाधुरा, कालापानी, लिपुलेक क्षेत्र तक दुथ्याका तःगु खः। भारतं धाःसा उगु थाय् थःपिनिगु धका दाबी याना च्वंगु खः।

Categorized in अन्तर्राष्ट्रिय