विश्वकप फुटबल एसिया छनोटय् न्हापागु चरणय् नेपाल व लाओस बराबरी जूगु दु।  म्हिगः बिहिवाः जूगु दशरथ रंगशालाय् जुगु कासाय् नेपाल व लाओस १–१ गोलया बराबरी जूगु खः।

फिफा वरियताय् नेपाः स्वया क्वय् च्वंगु लाओसं घरेलु टोली नेपाःयात कडा चुनौती बिःगु खः। न्हापागु हाफया ३३ गु मिनटय् लाओसया लागि कप्तान बोनफाचन बौकोङ्गं न्हापागु गोल याःगु खः। अथेहे ४७ गु मिनटय् कर्नरं अन्जन बिस्टं गोलयासे कासा बराबरी जुगु खः।

१–१ गोलं बराबरी याःगु नेपालया अन्जनं हरी खड्का व निराजन रायमाझीं अन्तराष्ट्रिय फुटबलय् दकलय् अप्पो १३ गोलया कीर्तिमानी बराबरी याःगु खः।

Categorized in कासा