शेयर बजाः थौं मंगलवाः निगु अंकं थहावःगु दु । १३.१८ अंकं थहावना बजाः १८६४.६२ विन्दुइ थ्यःगु दु। थ्व धयाःगु ०.७१ प्रतिशतं थहावःगु खः ।

मंगलवाः व्यापार, निर्जीवन बीमा, होटल नाप पर्यटन उपसूचकया भाः कुहावःगुलि मेगु दक्को उपसूचकया भाः थहावःगु दु। उकि मध्ये दलकय् अप्पो फाइनान्स उपसूचक १.३० प्रतिशतं सेयर भाः थहावःगु दु। २८९ गु धितोपत्रय् ४५ हजार ४५६ कारोबारपाखे ३८ लाख १३ हजार २३३ कित्ता सेयर कारोवार जुगुलि १ अर्ब ८४ लाख रुपैयाँया कारोबार जूगु दु।

अथेहे एनआईबीएल प्रगति फण्डया लगानीकर्ता तय्सं दकलय् अप्पो ७.३५ प्रतिशत कमय् याःगु दु । नापं स्वेतगंगा हाइड्रोपावर, सिद्धार्थ इक्विटी फण्ड, मेगा म्युचुअल फण्ड, मिथिला लघुवित्त वित्तीय संस्थानापं धितोपत्रया सेयर भाः तक यक्को थहावःगु दु ।

हाथवे इन्भेष्टमेन्टया लगानीकर्ता तय्सं दकलय् अप्पो ८.५३ प्रतिशतं गुमे याःगु दु। उगु कम्पनीया शेयर २६.५० रुपैयाँ स्वया अप्पो कुहावया २८४ रुपैयाँय् थ्यःगु खः। सुपरमाइ हाइड्रो, हिमालयन लघुवित्त वित्तीय संस्था, प्रभु बैंक डिभेञ्चर, सानिमा ग्रोथ फण्डया लगानीकर्ता तय्सं गुमे याःगु दु।

Categorized in राष्ट्रिय