येँ महानगरपालिका दुने स्वंगू सतक खण्ड थौंनिसे वानवय् याःगु दु।

येँ महानगरपालिकाया ट्राफिक विज्ञ जगतमान श्रेष्ठया कथं कमलादी मोडपाखे प्रज्ञाभवन जुया घण्टाघर वनिइगु सतक व दरबारमार्गस्थित महेन्द्र शालिकपाखे कृष्णपाउरोटी चोक स्वया क्वय् (काठमाडौं प्लाजाने) वनिइगु लँ वानवय् याःगु दु। अथेहे त्रिपुरेश्वरं येँ–यल स्वाःगु तुयुगु ताँ (न्हुगु ताँ) जुया गुसिङ्गाल पिहावनिइगु लँ न वानवय् याःगु दु ।

त्रिपुरेश्वरय् दुहावय् दु सा यलपाखें त्रिपुरेश्वरय् वयेत न्हुगु ताँय् जूइा देपाःपाखे वयेमाःगु जूगु दु । त्रिपुरेश्वरं यलय् वनिइगु मिलन त्वाः, न्हुगु ताँ जूया वनेमाःगु जूगु दु। अथेहे जमल व दरबारमार्गपाखे रत्नपार्क वनिइगु त्रिचन्द्र क्याम्पस न्ह्यने मोडे याना कमलादि गणेद्यः, प्रज्ञाभवन जूया कमलादीइ वये मदइगु जूगु दु व पुतलीसतकं काठमाडौं प्लाजा जूया हात्तीसारपाखे याःगु सतक खण्डय् आः काठमाडौं प्लाजापाखे देपाय् मोडे जूया महेन्द्र शालिकपाखे वने मदइगु जूगु दु।

सतक वान वय् जूगु जानकारी बिइत यथस सतकय् ट्राफिक प्रहरी व महानगरपालिकाया १०–१० म्ह टोली खटे याःगु दु।

Categorized in राष्ट्रिय