अमेरिका व बेलायतं थःगु नागरिक तय्त गुलिफु उलि याकनं लेबनान त्वःतय्त इनाप याःगु दु।

ट्राभल एडभाइजरी जारी यासे अमेरिका व बेलायतं लेबनानया राजधानी बेरुतय् च्वपि थःपिनिगु नागरिक तय्त अन पिहावय्त इनाप याःगु खः।

नापं अमेरिकां असुरक्षा जुया वःगुलि हलियकं च्वपि थःपिनिगु नागरिकया लागि सुरक्षा सतर्कता जारी याःगु दु।

प्यालेस्टाइनी विद्रोही समूह हमास व इजरायल दथुइ जुयाच्वंगु युद्ध लिसे हिजबुल्लाहनापं तनाव जुया वयाच्वंगुलि अमेरिका व बेलायतं लेबनान त्वय्त थःगु नागरिक तय्त धाःगु दु धका बीबीसीं धाःगु दु।

उगु निगु देशं थःगु नागरिक तय्त लेबनानं यात्रा मयायेत चेतावनी बिःगु खः।

Categorized in अन्तर्राष्ट्रिय