विश्वकप क्रिकेटय् अष्ट्रेलियां नेदरल्याण्ड्सयात ३०९ रनं त्याकां न्हुगु कीर्तिमान तःगु दु। थुगु विश्वकप क्रिकेटय् हे आःतक दकलय् अप्पो रनं त्याकूगु रिकर्ड जूगु दु।

ओडीआई क्रिकेटय् थ्व निगुगु अन्तरं त्याउगु जुगु दु ।दकलय् अप्पो अन्तर ३१७ रनं त्याकूगु आःतक रिर्कड भारतया नामय् दु। १५ जनवरी २०२३ य् जूगु कासाय् ३९० रन दयका भारतं श्रीलंकायात ७३ रनय् अलआउट जूगु खः ।

अथेहे एकदिवसीय विश्वकपय् धाःसा यक्को अन्तर २७५ रनं त्याकूगु रेकर्ड अष्ट्रेलियाया हे नामय् दु। २०१५ या विश्वकपय् ४१७ रन दय्कूगुलि अष्ट्रेलियां अफगानिस्तानयात १४२ रनय् अलआउट याःगु खः।

नेदरल्याण्ड्सयात याकन आउट यायेगु निति अष्ट्रेलियाया एडम जाम्पां ३ ओभरय् १० रन बिया प्यंगु ४ विकेट काःगु खःसा मिशेल मार्शं निगु व मिचेल स्टार्क, जोस ह्याजलउड व पेट कुमिन्सं छगू छगू विकेट काःगु खः।

Categorized in कासा