विश्वकप क्रिकेटय् श्रीलंकां डिफेण्डिङ च्याम्पियन इंग्ल्याण्डयात च्याःगु विकेटं त्याकूगु दु। लगातार स्वगू व समग्र कासाय् प्यक्वः तक बुइवं इंग्ल्याण्ड विश्वकप समूह चरणं पिहावनिइ सम्भावना अप्पोगु दु ।

थौं बिहीवाः भारतया बैंग्लुरु इंग्ल्याण्डं बिःगु १५७ रनया लक्ष्य श्रीलंकां २५.४ ओभरय् निगु विकेट गुमे याना पूरा याःगु खः। तर श्रीलंकाया सरुवात धाःसा उगु बालां मजुगु खः। वयागु २३ रनय् निगु विकेट वंगु खः।

श्रीलंकाया लागि पथुम निसांका व सदिरा समरविक्रमां त्याकेगु लागि मू भुमिका म्हितूगु खः। स्वंगूगु विकेटया लागि अविजित १३७ रनया साझेदारी याःगु खः। निसांका ७७ व समरविक्रमां ६५ रनय् अविजित पालि म्हितूगु खः।

टस त्याकां न्हापां ब्याटिङ यागु इंग्ल्याण्डं ३३.२ ओभरय् दक्को विकेट गुमे याना १५६ रन जक दयकूगु खः।

Categorized in कासा