भारतय् जुयाच्वंगु एक दिवसीय विश्वकप अन्तर्गत थौं शुक्रवाः जुयाच्वंगु कासाय् दक्षिण अफ्रिका विरुद्ध न्हापां ब्याटिङ यासे पाकिस्तान २७० रनय् अलआउट जूगु दु।

टस त्याकां न्हापां ब्याटिङ याःगु पाकिस्तानं ४६.५ ओभरय् २७० रन दयकूगु दु। पाकिस्तानया लागि कप्तान बाबर आजमं ५० व साउद सकिलं ५२ रन, सदाब खानं ४३, विकेटकिपर मोहम्मद रिजवानं ३१, मोहम्मद नवाजं २४ व इफ्दिखर अहमदं २१ रन दयकूगु खः।

दक्षिण अफ्रिकाया तब्राइज साम्सीं ४ व मार्को जान्सेनं स्वंगू विकेट काःगु खःसा जेरार्ल्ड कोएट्जीं निगु विकेट काःगु दु । पाकिस्तानं लिपागु ५ विकेट ४५ रन जक दय्के फुगु खः।

Categorized in कासा