इजरायलया प्रधानमन्त्री बेन्जामिन नेतन्याहू न इजरायली सुरक्षा बलनाप माफी फ्वंगु दु। अक्टोबर ७ य् हमासं याःगु आक्रमणबारे पूर्वजानकारी कायेत असफल जूगु धका धासे वयकलं उगु इलय् सुरक्षा बलयात द्धपं बिगु खः।

तर, आः थज्यागु परिस्थितिइ छवाः जुइमाःगु व उगु टिप्पणी यानागु गलत जुगु धका धासे माफी फ्वंगु खः। शनिवाः सामाजिक सञ्जाल एक्सय् नेतन्याहू न हमासया आक्रमणबारे खुफिया सेवा व सुरक्षा एजेन्सी सिन बेटं छु न चेतावनी बिइमफुगु धका च्वंगु खः ।

आः हुया छ्वये धुकुगु उगु पोस्टय् वयकलं अःखतं उगु समूहयात निरुत्साहित यायेगु आश्वासन बिःगु उल्लेख याना तःगु दु। हमासया आक्रमणबारे छु न पूर्वजानकारी काये मफुगु कारणं इजरायलया सेना व खुफिया एजेन्सी आलोचित जूगु खः।

थुकिइ सरकार व सुरक्षा निकाय दथुइ खः ल्वागु खः । थुकिया दथुइ नेतन्याहू न आः छवाः जुइमाःगु दु धका धासे माफी फ्वंगु खः।

Categorized in अन्तर्राष्ट्रिय