सोनापुर मिनिरल्स एण्ड आयल सिमेन्टया सेयर नेप्सेय् सुचीकृत जूया कारोबार सुरु जुगु निन्हुया दुने नकारात्मक सर्किटय् वःगु दु।

थौं सोमवाः छगु कित्ताया ३१५ रुपैयाँपाखे खुले जुगु कम्पनीया भाः १० प्रतिशतं कुहावया २८३ रुपैयाँ ५० पैसा कायम जूगु दु। थ्व स्वया न्ह्यः न्हापागु दिं म्हिगः आइतवाः ३५० रुपैयाँपाखे कारोबार खुले जूगु कम्पनीया मूल्य १० प्रतिशत हे कुहावया ३१५ रुपैयाँय् थ्यःगु खः।

छगू कित्ताया १०० रुपैयाँ भावं १३७ रुपैयाँ ५८ पैसा प्रिमियमनापं छगू कित्ताया २३७ रुपैयाँ ५८ पैसाय् आईपीओ निष्कासन यागुलि कम्पनीया सेयर निगुगु बजारय् कारोबार जूगु निन्हुया दुने हे लगातार नकारात्मक सर्किटय् वःगु खः।

असोज २ गतेय् नेप्सेय् सुचीकृत जूगु खः। 

Categorized in राष्ट्रिय